Du meinsch

1. Strophe
Lüüt wie Du und ich, die chönd rächt verschiede sii
Dänked gar nöd glich, und wänd ganz nöimed anders hii
Wär dänkt a Dich und mich wo morn au no wet d’Arbet ha
Mir isch’s nämmli glich wer au no wott en Aateil ha
​
2. Strophe
E grauehafti Gschicht, hät eine det z’verzelle gha
Vo Chrieg und arme Lüüt, wo wiit ewäg dönt Hunger ha
Doch einisch wird er still, runzlet sini Stirn und seit
Es machi doch kei Sinn dass me sich so Sache überleit
​
Refrain
Du – meinsch segsch’s Dach vo dere Wält
Wüssisch alles besser und chämsch als erste dra
Du – machsch doch alles nu mit Gäld
Det chläbed Dini Fründe und Dini dunkle Macheschafte dra
​
3. Strophe
Häsch der au scho überleit, usem gold‘ne Chefig usez’cho ?
Bisch scho mol abegheit und ganz am Bode usecho ?
Wie schnell liit Dini Wält im’ne grosse hufe Schärbe do
Auto, Huus und Gäld händ de Wert verlore gha

4. Strophe
Mir händ öis blände lo, vo Wohlstand, wo me Dir gseht aa
Wie guet ‘s Dir würklich gaht, das chasch Du öis nur rate la
Was isch das für ä Welt, wo me Muure um sich umebaut
Was zellt isch nume Gäld und wär am meischte ineholt

Refrain
​
5. Strophe
Häsch’der au scho überleit, usem goldene Chefig usez’cho ?
Bisch scho mol abegheit und ganz am Bode usecho ?
Wie schnell liit Dini Wält im’ne grosse hufe Schärbe do
Auto, Huus und Gäld händ de Wert verlore gha
​
Refrain
​
Du – häsch di falschi Brülen aa
Ohni die würsch gse wiis würklich staht