Abe zu de Lüüt

1. Strophe
Werum glaubsch du, was i de Zytig staht
,s häts eine gschriebe, wo ä nöd weiss wie's gaht
20 minuteoder de Blick am Abig spat
de eint kopierts vom andre - klar dass das nöd gaht

im Färnseh lauft so Mängs muesch fescht sii uf de Huet
sie stönd im Chreis und debattiered i de Wuet
all 10 Minute Wärbig- vilicht isch das ja guet
dass mer sonen Mischt nöd z'lang am Stück aaluege muess

Refrain
Schriibed dä Müll doch uf WC Papier
Dänn müesstis niemerd läse- das dumme Gschmier
De Wald würd nöd stärbe und mir hetted meh Zyt
Usen us de Loge- abe zu de Lüt!

2. Strophe
Jammere isch eifach- muesch's besser mache zerscht
Aber i de Präss zelt-halt immer nu de Erscht
Hauptsach isch ja,- dass öppis gschriebe isch
Öbs stimmt oder nöd - isch eh de meischte gliich

En Konflikt vo lnterässe- isch es dänn
Wänn d'nümer weisch- was d'schriibe söttisch wänn
Ei Hand wäscht die ander- vo däm läbsch du guet
So lang mer dini Text- nöd hinterfrögä tuet

Refrain