1-2-3 Plumcake

1. Strophe
Es isch wieder Friitig, am Mittag fahts a Piipse
De Gigi chunnt chli spöter - de Heinz, dä hät no d’Grippe
Sie lauft wieder heiss, oisi whatsapp Gruppe
Mängisch chönntsch verzwiifle, wettsch es aber nöd vermisse

2. Strophe
Chuum bisch äntli daa - de Heinz häts au no gschafft -
Fönd mer afo spiele, sind wieder voll im Saft
Es isch zwar nonig Fasnacht, es tönt aber chli so
De Ruben dä hät glaub de Rhythmus nöd ganz grafft
​
Refrain
One – two – three! De Juan haut drii
Foif Minute später tüend em sini Tööpä weh
One – two – three De Juan haut drii
Macht nüt mir spieled eh hinedrii
​
3. Strophe
Nach drü Songs gits e Pause, wieso dänn grad scho jetzt
De Juan isch trotz viel Training am Finger scho verletzt
Mir sitzed alli gmüetlich uf em Sofa binenand
Der Gigi spielt dezue ufem Piano Richard Clayderman
​
4. Strophe
Mängisch isches so, wie ‘s Murmeltier grüesst täglich
De Juan findt wiedermal, oises Repertoire seg kläglich
De Heinz seit, er chönn nöd - das müess mer halt begriffe
I dere Zyt müess är no dringend Stei go schliiffe.
​
Refrain
One – two – three! De Juan haut drii
Foif Minute später tüend em sini Tööpä weh
One – two – three De Juan haut drii
Macht nüt mir spieled eh hinedrii
​
One - two - three wär isches wieder gsii
Wo zmitzt im Song the Teggscht vergässe hät
One two three jetzt ha mi na verzellt
PlumCake heisst die bescht Band uf de Wält
​
5. Strophe
Drum händer jetzt dä Song - äntli gits en Noiä
Spieled luut und schnäll - ihr wärdets nöd bereue
Em Gigi gämmer foif Stund Zyt, en coole Sound go finde
Wonär sich dänn sicher live nüme dra erinneret
​
6. Strophe
Mir sind e geili Band – oisi Stuck sind allerhand
Wärs Radio nöd so blöd, wäred mir scho wältbekannt
Aber dasch ois gliich, dänn Hauptsach, mir sind zäme
Für d’Misstön usem Übigsruum - müemer ois nöd schäme